2025 жылғы 17-19 қыркүйек аралығында Kazmintech Engineering ЖШС Engineering Dobersek GmbH компаниясымен бірлесіп Алматы қаласындағы «Атакент» КЦДС аумағында өткен Mining and Metals Central Asia 2025 мерейтойлық 30-шы халықаралық көрмесіне қатысты.
2025 жылғы 17-19 қыркүйек аралығында Kazmintech Engineering ЖШС Engineering Dobersek GmbH компаниясымен бірлесіп Алматы қаласындағы «Атакент» КЦДС аумағында өткен Mining and Metals Central Asia 2025 мерейтойлық 30-шы халықаралық көрмесіне қатысты. Бұл - аймақтағы ең ірі салалық іс-шара, түрлі елдерден 300-ден астам қатысушыны біріктірді.
Бірлескен стендте компаниялар тау-кен байыту және металлургия өнеркәсібіне арналған кешенді инженерлік шешімдерді және жобалаудың заманауи тәсілдерін ұсынды. Көрме қонақтары инновациялық технологияларға және Қазақстанда әрі шетелде табысты іске асырылған жобалар тәжірибесіне ерекше қызығушылық танытты.
Көрме барысында жетекші өнеркәсіптік кәсіпорындардың өкілдерімен нәтижелі кездесулер өткізіліп, ынтымақтастықтың жаңа бағыттары мен озық технологияларды өндіріске енгізу мәселелері талқыланды.
Алдағы уақытта Kazmintech Engineering салалық іс-шараларға белсенді қатысуды жалғастырады. Келесі маңызды алаң - Ақтөбе қаласында өтетін MinTech көрмесі, онда компания өнеркәсіптік кәсіпорындарға арналған өз шешімдері мен әзірлемелерін ұсынады.
